دينا عامر
كعراقية جرّيت الف حسرة وانا اتابع تقارير عن زيارة رئيس اميركا للمملكة العربية السعودية .
الف حسرة قليلة , بعيد عن السياسة لأن لعبت نفسي من الكلام عنها خلونة بأجواء المكان والحضور , طريقة كلامهم , ملابسهم , مشيتهم , گعدتهم , ابتساماتهم الودودة , شبعانين مليانين ثگال , ماحسيت بيهم متصنعين ابد حسسوني انهم ناس فخورين لأقصى درجات الفخر بأنجازاتهم وهم يستضيفون رئيس اقوى دولة بالعالم جاي معاه ناس خبراء اكاديميين علماء كل واحد منهم يعرف بالضبط دوره ماكو عشوائية ولامتروك شي للصدفة .
اخذتني صفنة , زين هذول كل الموجودين تطلعهم من هذه الأجواء تجيبهم للعراق منو يستقبلهم ؟
المالكي المعفن وگال السنة وگال الشيعة
لو هادي العامري المچلح ملك الكومشنات والقومسيونات والتهريب
لو تجيب عمار الحكيم يستعرض تياره العريض ومكاتب المتعة اليديرها
لو ابو وجه النوراني قيس الخزعلي يشرحلهم طرق تعذيب المواطن البريء
لو ابو ميزن يشرحلهم العلاقة الوطيدة بين العرگ والكيولية وتداعيات ربع الحليب سباع على القرار السياسي
لو الحلبوسي شاحط مرته الشيخة الأميرة الدكتورة معالي نوار عاصم يتغطى بجمالها ويتستر بطولها الحلو
لو مقتدة الخبل الأكيد رح يزعل بأول المقابلة ويرگعهم برزالة تأريخية
يا اخي اشكالهم وسخة الحرام زادهم نتن ووساخة يفشلون لا علم لافهم لامنطق , يعني كوم زبالة مقززين مقرفين يكزبرون الجلد ابتلينة بيهم بلوة بس رب العزة يخلصنة منهم .
زين وين تاخذهم جولة بالكرادة لو بالمنصور لو الثورة ؟
شنو الأنجاز الحضاري العندك تعرضه على ضيوفك غير بنين الموسوي ؟
بشنو تتباهى بالتعليم لو بالصناعة لو تاخذهم للمطار ترويهم الأنجاز غير المسبوق بتجديد التواليتات والمراحيض ؟
وي منو يجتمعون ثاني يوم وثالث يوم ورابع يوم بحيدر البرزنچي لو عالية نصيف لو ابو عزرائيل ؟
شنو يبحثون تأثير الطنافس بالحضارة الأسلامية لو علاقة الرّگي والبيتنجان لتقريب وجهات النظر بين الشعوب ؟
فهمني ايلون ماسك منو نظيره , ويامن تحطه ؟؟؟؟
قبل چانوا يزورون البلد ينبهرون ويصرحون عن سعيهم حتى تكون عواصمهم تشبه بغداد , يوم الكانت الأمارات طامسة بالتربان والعثويل كانت بغداد حاضرة الدنيا , اليوم الأمارات حاضرة والعراق طامس بالوحل والخراب والبؤس والجهل والأمية .
زعماء يتباهون بتوفير اقصى درجات الرفاهية لشعوبهم , واحنة يتباهون الكهرباء كم ساعة تجي وبلطوا شارع المطار وبنوا فندق وكم مجسر من تعبر عليهم تقرا المنجيات السبعة .
كنا نقول دول الخليج تدفع اتاوة حمايتها , كلام صحيح لكن فرضوا نفسهم بمحبتهم واخلاصهم لشعوبهم فتحولت الأتاوة الى تبادل تجاري ,, استثمارات خرافية ، انطيك بس انطيني علم , انطيني اقتصاد , ساعدني ابني صروح للأجيال الجاية ، افتح لي ابواب ادفع بيها بلدي عشرات السنين ليگدام .
مثلنة بالضبط .. ندفع مليارات والنتيجة نبوس رجلين ونبوس قنادر ويتفلون علينة لان عجم والعجمي ميحب غير نفسه .
خسائرنا مهولة تأخرنة حييييييل حيل وكل يوم اكو فجوة كبييييييرة تمتد بينة وبين العالم اليحبون بلادهم وطايرين بسرعة الضوء لمستقبل يليق بالبشر .
عمي بالعافية عليكم ,,
المايعرف تدابيره
ماعنده على بلده غيرة
ويولي لبگصته جيرة
خيره يروح لغيره
حيف عليك يابلد .. الف حيف
